Sadə xəbər
Bu gün Qax rayonunun Güllük kəndi ərazisində yol-nəqliyyat hadisəsi baş verib.
Oxu.Az xəbər verir ki, hadisə saat 11:00-da qeydə alınıb.
VAZ-2106 markalı avtomobil idarəetmədən çıxaraq əvvəlcə "Hyundai", daha sonra isə "Honda" markalı avtomobilə çırpılıb.
Nəticədə VAZ-2106-nın sürücüsü, 44 yaşlı Eşqin İsmayılov, sərnişinləri 43 yaşlı Gülər İsmayılova, 20 yaşlı Qalib İsmayılov, eləcə də "Honda"da olan sərnişin, 30 yaşlı Ayşən Əliyeva xəsarət alıblar.
DİN-in Mətbuat Xidmətinin Şəki regional qrupundan Oxu.Az-a bildirilib ki, yol-nəqliyyat hadisəsi ilə bağlı Qax Rayon Polis Şöbəsində araşdırma aparılır.
Əzizə İsmayılova
