![](https://cdn.saat24.az/uploadedfiles/custom/2024/7/18/1/2c4ec65c-f6b7-4263-97f1-ffb551ba3f09/1721283378zxhlzrjpedprmt4iz7rp1xkholnbktugurne7um4_1200.jpg)
Bu gün Avropa Liqasında 1-ci təsnifat mərhələsinin cavab oyunları keçiriləcək.
"Saat24.az" xəbər verir ki, Azərbaycan təmsilçisi "Zirə" Moldova "Şerif"i ilə bu dəfə Bakıda qarşılaşacaq. "Dalğa Arena"da keçiriləcək matç saat 20:00-da başlayacaq. Oyunu Qazaxıstandan olan hakimlər briqadası idarə edəcək.
Sözügedən komandalar arasındakı ilk görüş "Zirə"nin 1:0 hesablı qələbəsi ilə başa çatıb. "Zirə" 2 oyunun yekununda "Şerif"i üstələsə, 2-ci mərhələdə “Elfsborq” (İsveç) – “Pafos” (Kipr) cütünün qalibi ilə qarşılaşacaq. “Qartallar” mərhələ adlasa, 2-ci təsnifatda birinci oyunu Bakıda keçirəcək.
Avropa Liqası, 1-ci təsnifat mərhələsi, cavab oyunları
20:00. "Zirə" (Azərbaycan) - "Şerif" (Moldova)
Hakimlər: Bulat Sarıyev, Denis Lobaşov, Yuri Tixonyuk, Aidın Tossibayev (Qazaxıstan)
"Dalğa Arena"