Sadə xəbər
Türkiyənin üç vilayətində baş verən meşə yanğınları səbəbindən 50 mindən çox insan təxliyə edilib.
Saat24.Az xəbər verir ki, bu barədə ölkənin daxili işlər naziri Ali Yerlikaya məlumat verib.
"İzmir, Bilecik və Hatayda baş verən meşə yanğınları ilə əlaqədar 50 mindən çox vətəndaş təhlükəsiz ərazilərə təxliyə edilib", - nazir "X" hesabında yazıb.
Ən şiddətli meşə yanğınları Egey sahilində yerləşən İzmir vilayətində qeydə alınıb. Türkiyənin kənd təsərrüfatı naziri İbrahim Yumaklı daha əvvəl bildirib ki, yanğınların söndürülməsi üçün 14 helikopter, 4 təyyarə və mindən çox şəxsi heyət cəlb olunub.
