Sadə xəbər
Gürcüstan Prezidenti Mixail Kavelaşvili "xarici agentlər haqqında" qanunu imzalayıb.
Bu barədə Oxu.Az Gürcüstan KİV-ə istinadla xəbər verir.
Qanun ABŞ-də qüvvədə olan FARA (Foreign Agents Registration Act - Xarici Agentlərin Qeydiyyatı Aktı) qanununu demək olar ki, tamamilə təkrarlayır.
Gürcüstan qanunu ABŞ qanunundan fərqli olaraq, fiziki şəxslərə şamil edilmir və gəlirlər haqqında illik bəyannamənin təqdim edilməməsinə görə cəriməni nəzərdə tutur. Amerika qanunu isə beş ilə qədər həbs cəzasını nəzərdə tutur.
Qanun layihəsinə verilən izahatda qeyd olunur ki, xaricdən maliyyələşən QHT-lərin əksəriyyəti reyestrdə qeydiyyatdan keçməkdən imtina edir, ona görə də, qanunvericinin iradəsinin lazımi şəkildə həyata keçirilməsini təmin edəcək qanunun qəbul edilməsi zəruridir.
