Sadə xəbər
Londondakı ICE birjasında "Brent" markalı neftin füçers qiyməti 2025-ci il aprelin 28-dən bəri ilk dəfə bir barel üçün 66 dolları keçib.
Oxu.Az bu barədə birjanın məlumatlarına istinadən xəbər verir.
Bakı vaxtı ilə saat 11:00-a olan birja göstəricilərinə əsasən, neftin qiyməti 65.3 dollar səviyyəsində qərarlaşıb ki, bu da 1.7% artım deməkdir. Saat 11:10-a olan məlumata əsasən, "Brent"in füçers qiyməti artımını sürətləndirərək 66.08 dollar (+2.91%) səviyyəsinə çatıb.
Eyni zamanda, WTI markalı neftin iyun ayı üçün füçers qiyməti 2.96% artaraq 63.21 dollar təşkil edib.
