Sadə xəbər
"Ukrayna ordusuna Avropa və ABŞ tərəfindən dəstək Kiyev üçün təhlükəsizliyin zəmanəti ola bilər".
Oxu.Az-ın xəbərinə görə, bu sözləri Almaniyanın yeni Kansleri Fridrix Merts "Welt" telekanalına müsahibəsində deyib.
"Biz Avropanın birgə səyləri çərçivəsində ABŞ-nin dəstəyi ilə Ukrayna ordusuna əhəmiyyətli dərəcədə dəstək verməyə, onu silahlarla təchiz etməyə davam edə bilərik", - deyə o qeyd edib.
Siyasətçi əlavə edib ki, almaniyalı hərbçilərin Ukraynaya göndərilməsi məsələsi müzakirə mövzusu deyil.
