Saat24.Az xəbər verir ki,8 Sentyabr tarixində Zərdab rayon Heydər Əliyev Mərkəzində Milli Məclisin deputatı Jalə Əliyeva vətəndaş qəbulu keçirib.
Görüşdə millət vəkili Jalə Əliyeva vətəndaşları fərdi və kollektiv formada dinləyib, müxtəlif mövzularda onları narahat edən problemləri qeydiyyata götürüb. Vətəndaşlar tərəfindən səsləndirilən əsas məsələlər sırasında məşğulluq, sosial şəratin yaxşılaşdırılması, tibbi ehtiyaclarının təmin edilməsi ilə bağlı məsələlər başlıca yer alıb.
Jalə Əliyeva görüş iştirakçılarına bildirib ki, qeydiyyata götürülmüş müraciətlər ən yaxın zamanda aidiyyəti üzrə müvafıq qurumlara ünvanlanacaqdır. Bir çox məsələ yerindəcə həllini tapıb.
Əlavə olaraq Vətən müharibəsi iştirakçısının aylardır həll olmayan problemi Jalə xanım Əliyevanın telefon vasitəsilə etdiyi zəngdən sonra yerindəcə həll oldu.
Qəbula gələnlər xoş münasibət üçün və problemlərinin həllində onlara göstərilən diqqət və qayğı üçün, ölkə prezidenti cənab İlham Əliyevə , Mehriban xanım Əliyevaya təşəkkür ediblər.