Bakının Nəsimi rayonunda qəza olub.
APA xəbər verir ki, hadisə Asif Məhərrəmov küçəsində baş verib.
“Toyota” markalı avtomobil əks istiqamətə çıxaraq “VAZ-2106” markalı nəqliyyat vasitəsinə çırpılıb. Toqquşmanın təsirindən “Toyota” daha sonra “Daewoo” markalı maşınla toqquşub. Qəza nəticəsində VAZ markalı maşında olan sərnişin xəsarət alıb.
Faktla bağlı Nəsimi Rayon Polis İdarəsində araşdırma aparılır.
