Artıq 17 diplomatik nümayəndəlik Kiyevdə öz işini bərpa edib.
Bu barədə Ukrayna Xarici İşlər Nazirliyi məlumat verib.
“Hər gün daha çox ölkənin diplomatik missiyaları Kiyevdə öz işini bərpa edir. Bu, dünyanın Ukraynanı dəstəklədiyini və ona inandığını sübut edən amillərdən biridir”, - deyə qurumun bəyanatında bildirilib.
Qeyd edilir ki, Kiyevdə Aİ, Fransa, İtaliya, Latviya, Litva, Estoniya, Polşa, Türkiyə, Çex Respublikası, Sloveniya, Vatikan, Moldova, Gürcüstan, İran, Qazaxıstan, Tacikistan və Türkmənistanın diplomatları yenidən öz işlərinə başlayıb.
