NATO-nun Soyuq Müharibədən bəri ən böyük hərbi təlimi başlayıb

DÜNYA 25.01.2024 3020

NATO-nun Soyuq Müharibədən bəri ən böyük təlimi “Sarsılmaz Müdafiəçi 2024” 32 ölkədən 90 min əsgərlə başlayıb. Təlimlərin may ayının sonuna qədər davam edəcəyi bildirilib.

"Saat24.az" xəbər verir ki, NATO-dan verilən açıqlamada ABŞ-a məxsus "USS Gunston Hall" dok desant gəmisinin Virciniya əyalətindəki Norfolkdan yola düşdüyü və bir sıra əməliyyatlardan sonra Atlantik okeanının o biri sahilinə çatacağı bildirilib.

Açıqlamada HMCS Charlottetown freqatının bu ay təlim çərçivəsində Kanadanın Yeni Şotlandiya əyalətinin Halifax şəhərindən Avropaya yola düşəcəyi və Alyansın Avro-Atlantik bölgəsini gücləndirmək qabiliyyətini nümayiş etdirəcəyi bildirildi. 

NATO-nun Avropadakı Müttəfiq Qüvvələrinin Ali Baş Komandanı (SACEUR) general Kristofer Kavoli deyib ki, “Sarsılmaz Müdafiəçi 2024” təlimi birliyimiz, gücümüz və bir-birimizi qorumaq əzmimiz, dəyərlərimiz və qaydalara əsaslanan beynəlxalq etimadımızın bariz nümayişi olacaq. " 
31 NATO üzvü və namizəd ölkə İsveçdən təxminən 90 min əsgərin qatılacağı təlimin may ayının sonuna qədər davam edəcəyi açıqlanıb.

NATO-nun Soyuq Müharibədən sonrakı ən böyük təliminin Almaniya, Polşa və Baltikyanı ölkələrdə keçirilməsi və Rusiya ilə mümkün müharibə ssenarilərini əhatə etməsi gözlənilir.

Soyuq Müharibə dövründə NATO-nun son böyük təlimi 1988-ci ildə 125 min iştirakçı ilə keçirilən "REFORGER" idi.

XƏBƏR LENTİ
18.05.2024 3279

DİGƏR XƏBƏRLƏR

Loading
Top