Sadə xəbər
31 Dekabr – Dünya Azərbaycanlılarının Həmrəyliyi Günü Yeni ilə bağlı millət vəkilləri və ictimayyət nümayəndələri sosial hesablarında paylaşım ediblər.
Saat24.Az həmin təbrikləri təqdim edir:
****
Əziz dostlar, dəyərli həmvətənlər!
Ailənizdən, sevdiklərinizdən, ölkəmizdən və dünyamızdan sevgi və ruzi-bərəkət əksik olmasın. Birlik və həmrəyliyimiz daim və ucalan olsun!
Bağlı olduğumuz vətən torpağının hər bir qarışında sülh və əmin-amanlıq əbədi və sarsılmaz olsun!
Rəşad Mahmudov,
Milli Məclisin deputatı,YAP idarə heyətinin üzvü
******
Əziz dostlar! Həmrəyliyimiz daha da möhkəm və davamlı, Yeni ilimiz uğurlu, xeyirli və bərəkətli olsun! Bayramınızı təbrik edirəm!
Musa Quliyev
Millət vəkili
*****
Əziz həmvətənlər!
Milli birlik və doğma vətənə bağlılığı təcəssüm etdirən 31 dekabr – Dünya Azərbaycanlılarının Həmrəylik Günü və Yeni il münasibətilə hər birinizi səmimi qəlbdən təbrik edirəm. Qarşıdan gələn il Xalqımıza və Dövlətimizə düşərli olsun! Həmrəylik Günümüz mübarək!
Ülvi Quliyev
Millət vəkili
****
31 Dekabr – Dünya Azərbaycanlılarının Həmrəyliyi Günüdür.
Bu bayram dünyanın müxtəlif ölkələrində yaşayan azərbaycanlılar arasında həmrəylik bağlarının yaranmasında mühüm rol oynayır.
Dünya Azərbaycanlılarının Həmrəyliyi Gününün əsası 1989-cu il dekabrın axırlarında Naxçıvanda sərhədlərin (SSRİ-İran sərhədləri) dağılması zamanı qoyulub. 1991-ci il dekabrın 16-da Azərbaycan xalqınının Ümummilli Lideri, o vaxt Naxçıvan Muxtar Respublikası Ali Məclisinin sədri vəzifəsində çalışan Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq dekabrın 31-ni Dünya Azərbaycanlılarının Həmrəyliyi Günü elan edib.
Bayramınız mübarək!!!`
Aydın Hüseynov
Milllət vəkili
*****
Bu gün bütün dünya azərbaycanlıları haqlı olaraq müstəqil Azərbaycanla fəxr edirlər. Soydaşlarımız Dünya Azərbaycanlılarının Həmrəyliyi Gününü tam yeni bir ovqatla qeyd edirlər. Tarixi Zəfərimiz – İkinci Qarabağ müharibəsindəki Zəfər, antiterror əməliyyatları, işğalçılardan azad olunmağımız, separatçı rejimin çökməsi bütün azərbaycanlıları haqlı olaraq bir araya, bir yumruq halına gətirib. “Dəmir yumruq” bizim Zəfər salnaməmizin rəmzi idi. Bu gün, eyni zamanda, “Dəmir yumruq” birliyimizin rəmzidir və Azərbaycan xalqı, bütün dünya azərbaycanlıları əmindir ki, “Dəmir yumruq” hər zaman yerində olacaq!
Həmrəylik gününüz mübarək, əziz soydaşlar!
Jalə Əliyeva
Millət vəkili
****
Əziz Həmvətənlər,Dünya Azərbaycanlıları.
Sizləri, Dünya azərbaycanlılarının həmrəyliyi günü və qarşıdan gələn Yeni il münasibətilə, ən xoş arzularla təbrik edir, Vətənimizə əmin-amanlıq, xalqımıza rifah arzulayıram.
Bayramınız mübarək!
Nəsib Məhəməliyev
Millət vəkili
***
Dəyərli dostlar, həmvətənlər, əziz şəhid ailələri, qazilərimiz və seçicilərim!
Sizi və əzizlərinizi 31 Dekabr Dünya Azərbaycanlılarının Həmrəyliyi Günü və qarşıdan gələn Yeni İl münasibətilə ürəkdən təbrik edirəm. Həmrəylik günü Azərbaycan xalqının milli birliyinin, zəngin mədəni irsinin və ali dəyərlərinin ifadəsidir. Ümummilli Lider Heydər Əliyevin uzaqgörən siyasəti xalqımızın birliyini, müstəqilliyini təmin etmiş, formalaşdırdığı milli ideyalar bu gün Prezident İlham Əliyev tərəfindən uğurla davam etdirilir. Ölkə Prezidentinin rəhbərliyi altında Azərbaycan həm daxili, həm də beynəlxalq arenada böyük nailiyyətlər əldə etməkdədir.Yeni ildə Sizə, sevdiklərinizə möhkəm cansağlığı, sevinc dolu günlər və uğurlar arzu edirəm.
Həmrəylik, sabitlik və suveren Azərbaycan uğrunda canlarından keçən şəhidlərimizin, Milli Qəhrəmanıarımızın ruhları şad olsun!
Tanrı Azərbaycanımızı qorusun!
Ülviyyə Həmzəyeva
Millət vəkili
****
Hər birinizi Dünya Azərbaycanlılarının Həmrəyliyi Günü və Yeni il bayramı münasibətilə təbrik edirəm. İnanıram ki, 2025-ci il ölkəmizin tarixinə yeni uğurlarla yazılacaq.
Bayramınız mübarək!
Soltan Məmmədov
Millət vəkili
****
Hörmətli həmvətənlər!
Sizi Dünya Azərbaycanlılarının Həmrəyliyi Günü və qarşıdan gələn Yeni il münasibətilə ürəkdən təbrik edirəm.
Hər bir ailəyə sağlamlıq, əmin-amanlıq və firavanlıq, doğma Azərbaycanımıza isə əbədi sülh, tərəqqi və yeni uğurlar arzulayıram.
Mahir Süleymanlı
Millət vəkili
****
Artıq 4 ildir ki, milli kimliyimizin təcəssümü olan Dünya Azərbaycanlılarının Həmrəylik günü ərazi bütövlüyü bərpa edilmiş, hər bir nöqtəsində şanlı üç rəngli bayrağımız dalğalanan vətənimizdə böyük coşqu və qürur hissi ilə qeyd edilir. Dahi Öndərin layiqli davamçısı, zəfərimizin memarı və bizlərə qələbə sevincini yaşadaraq qürurumuzu ucaldan lider, cənab Prezident İlham Əliyevin məqsədyönlü və qətiyyətli siyasəti nəticəsində dünyanın hər bir guşəsində yaşayan azərbaycanlılar dövlətimizin gücü və qüdrəti ilə fəxr edir.
Günay Ağamalı
Milli Məclisin deputatı, Ana Vətən Partiyasının sədr müavini
*****
Əziz həmvətənlər, hörmətli seçicilər,
Hər birinizi dünya azərbaycanlılarının həmrəylik günü və Yeni il münasibətilə təbrik edir, yeni ildə xoşbəxtlik, Vətənimizə sülh və əmin-amanlıq diləyirəm.
Bayramınız mübarək!
Əminə Ağazadə
Millət vəkili
****
Əziz həmvətənlər!
Sizi Azərbaycan xalqının milli-mənəvi birliyini və doğma vətənə bağlılığını təcəssüm etdirən 31 dekabr – Dünya Azərbaycanlılarının Həmrəyliyi Günü və Yeni il münasibəti ilə ürəkdən təbrik edirəm!
Yeni ildə Sizə möhkəm cansağlığı, firavanlıq, vətənimiz doğma Azərbaycanımızın inkişafı, tərəqqisi və qüdrətlənməsi naminə fəaliyyətinizdə uğurlar arzulayıram!
Vasif Qafarov
Millət vəkili
*****
Əziz həmvətənlər!
31 Dekabr – Dünya Azərbaycanlılarının Həmrəylik Günü və qarşıdan gələn 2025-ci il münasibətilə hər birinizi ürəkdən təbrik edirəm! Bu bayram yalnız tarixi bir hadisəni deyil, həm də bütün dünya azərbaycanlılarının birliyini, həmrəyliyini və ortaq dəyərlər ətrafında birləşməsini simvolizə edir.
Yeni ilin sizə və ailənizə sağlamlıq, xoşbəxtlik və uğurlar gətirməsini arzulayıram. Qoy 2025-ci il Vətənimiz üçün sülh, inkişaf və tərəqqi ili olsun. Birliyimizin və milli həmrəyliyimizim hər zaman gücümüzün əsas mənbəyi olması diləyi ilə
Hər birinizə ən xoş arzularımı çatdırıram!
Razi Nurullayev,
Millət vəkili, Milli Cəbhə Partiyasının başqanı
*****
Hər bir vətəndaşımızı qarşıdan gələn Yeni təqvim ili və Dünya Azərbaycanlılarının həmrəylik günü münasibətilə ürəkdən təbrik edir, can sağlığı, ruzi-bərəkət, sevgi və hüzur arzulayıram!
Elnarə Akimova
Millət vəkili
*****
Əziz həmvətənlərimiz!
Sizi 31 dekabr – Dünya Azərbaycanlılarının həmrəyliyi günü və Yeni 2025-ci ilin gəlişi münasibəti ilə səmimi qəlbdən təbrik edir, hər birinizə möhkəm can sağlığı, ailə səadəti, doğma Azərbaycanımıza yeni qələbə sevincləri, nurlu sabahlar arzulayırıq!
Bayramınız mübarək!
İlham Məmmədov
Millət vəkili
*****
Hər birinizi Dünya Azərbaycanlılarının Həmrəylik Günü və Yeni İl münasibətilə təbrik edirəm.
Dövlətimizin daha qüdrətli , Uca Millətimizin isə daha firavan yaşam tərzinə malik olması arzusu ilə Yeni iliniz mübarək olsun!
Arzuxan Əlizadə
Millət vəkili
****
31 Dekabr – Dünya Azərbaycanlılarının Həmrəyliyi Günü və qarşıdan gələn Yeni il bayramı münasibətilə xalqımızı təbrik edir, can sağlığı, uğur və xoşbəxtlik arzulayıram. 2025-ci il Dövlətimiz, Millətimiz üçün sülh və əmin-amanlıq ili olsun!
Pərvin Kərimzadə
Millət vəkili
****
Dəyərli həmvətənlər!
Geridə buraxdığımız 2024-cü il ölkəmiz üçün əlamətdar hadisələrlə yadda qaldı. Bu il ilk dəfə tam suveren Azərbaycan Respublikası ərazisində Prezident və Parlament seçkiləri keçirildi. Ölkəmiz bir çox beynəlxalq tədbirlərə, konfranslara, idman yarışlarına ev sahibliyi etdi ki, bunlardan ən böyüyü olan COP29 zamanı bütün dünyanın gözü ölkəmizə kökləndi.
Cənab Prezident İlham Əliyevin rəhbərliyi altında bütün sahələrdə dinamik addımlar atıldı. Statistikalar onu göstərir ki, qeyri-neft sektorunun aparıcı qüvvəsi kimi mənim də illərlə fəaliyyət göstərdiyim turizm sahəsi bu il də müsbət nəticələr göstərdi.
İlin sonunda sosial-iqtisadi sahədə dövlət siyasətinin məntiqi yekunu kimi cənab Prezidentin Sərəncamı ilə 2025-ci ildən etibarən minimum əməkhaqqı və təqaüdlərin növbəti dəfə artımını da qeyd etmək yerinə düşər.
Bizi qarşıda 2025-ci il – “Konstitusiya və Suverenlik İli” gözləyir. İnanıram ki, 2025 Dövlətimiz üçün qoyulan hədəflərə doğru səmərəli il olacaq. Mən hər birinizi Dünya Azərbaycanlılarının Həmrəyliyi Günü və Yeni il bayramı münasibətilə təbrik edir, Vətənimizə daima sülh və əmin-amanlıq diləyirəm.
Göydəniz Qəhramanov
Millət vəkili
****
Hər birinizi Dünya Azərbaycanlılarının Həmrəyliyi Günü və Yeni il bayramı münasibətilə səmimi-qəlbdən təbrik edir, ən xoş diləklərimi çatdırıram. Azərbaycan xalqının milli birliyini və ulu öndər Heydər Əliyevin azərbaycançılıq ideyasını təcəssüm etdirən bu əlamətdar gündə hər kəsə möhkəm cansağlığı, xoşbəxtlik və firavanlıq, süfrələrinizə isə bol ruzi-bərəkət arzulayıram. Bayramınız mübarək olsun!
Könül Nurullayeva
Millət vəkili
