Zərdablılar qalib Lider İlham Əliyevə səs verəcək -Foto

SİYASƏT 22.01.2024 1634

Zərdab şəhər Heydər Əliyev Mərkəzində seçicilərlə görüş keçirilib

2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Zərdab şəhər Heydər Əliyev Mərkəzində seçicilərlə görüş keçirilib.

Əvvəlcə Azərbaycanın Dövlət Himni səsləndirilib. Sonra Prezident İlham Əliyevin fəaliyyətinə həsr olunmuş videoçarx nümayiş olunub.

Görüşdə YAP Zərdab rayon təşkilatının sədri İlkin Əliyev, YAP Gənclər Birliyinin sədr müavini Fəsli Nəbiyev, təşviqat qrupunun üzvləri Əhliman Kərimov, Gülnaz Məmmədova və Mübariz Umarov çıxış ediblər.

Çıxış edənlər  bildiriblər ki, son 20 ildə Prezident İlham Əliyevin müdrik rəhbərliyi sayəsində ölkə iqtisadiyyatı dönməz inkişaf yolu tutub, ərazi bütövlüyünü və suverenliyini tam bərpa edib, Azərbaycan bütün sahələrdə Cənubi Qafqazın lider dövlətinə çevrilib. Qeyd olunub ki, qarşıdan gələn Prezident seçkilərinin ölkəmizin bütün ərazilərində keçirilməsi əlamətdar bir hadisədir.

Natiqlər seçiciləri gələcəyimiz naminə düzgün qərar verərək Qalib Lider İlham Əliyevə səs verməyə çağırıblar.

Seçicilər ölkənin yüksələn rifahı, dövlətin təhlükə­sizliyi və beynəlxalq arenada nüfuzunun yüksəldilməsi sahəsində həyata keçirdiyi titanik işlərə görə dövlət başçısı, müzəffər Ali Baş Komandan İlham Əliyevə minnət­darlıq edib, onunla qürur duyduqlarını diqqətə çatdırıblar. Fevralın 7-də ən layiqli namizəd cənab İlham Əliyevə səs verəcəklərini vurğulayıblar.

Tədbir Yeni Azərbaycan Partiyasının Himninin səsləndirilməsi ilə başa çatıb.
XƏBƏR LENTİ
18.05.2024 3220

DİGƏR XƏBƏRLƏR

Loading
Top