Dünyanın bütün uşaqları xoşbəxt böyüsünlər-Jalə Əliyeva

Saat24.Az xəbər verir ki,bu sözləri Millət Vəkili Jalə Əliyeva müəllif yazısında qeyd edib.

Sözügedən yazını təqdim edirik:

Bu gün 1 iyun Uşaqların Beynəlxalq Müdafiəsi Günüdür! Gələcəyimizin Günüdür! Dünyanın bütün uşaqları xoşbəxt böyüsünlər! Müharibə, qaçqınlıq, köçkünlük, zəlzələ, yanğın, qəza, ayrılıq görməsinlər! Nisgil yaşamasınlar!  Kədər dadmasınlar!  Atalı-Analı, Vətənli olsunlar! Damarında qanımız axan bioloji övladlarımıza yaxşı olan nələri arzu ediriksə, bütün övladlara eyni duyğularla yanaşaq! Onların bizim anlayışımıza, bizim mərhəmətimizə ehtiyacı var! Onlar günahsızdırlar! Bunu heç unutmayaq! Bütün dünya uşaqlarına Sülh, Əmin-amanlıq, Firavanlıq, Bütöv və Sağlam Ailə arzu edirəm! Bayramınız mübarək, əziz, gözəl, sevimli uşaqlar! Hər birinizi ayrı ayrılıqda qucaqlayıb, məsum gözlərinizdən öpürəm!