![](https://cdn.saat24.az/uploadedfiles/custom/2024/7/24/1/59a815c0-18b1-48b4-8fdc-b9b59b3e5bd0/172176894964f2d811ad00e.jpg)
Ukrayna prezidenti Volodimir Zelenski Müqəddəs Taxt-Tacın dövlət katibi kardinal Pietro Parolinlə görüşüb.
"Saat24.az" xəbər verir ki, bu barədə Ukrayna prezidentinin mətbuat xidməti məlumat yayıb.
Zelenski Parolinin Ukrayna şəhərlərinə səfərinə görə təşəkkür edib.
“Bu, Vatikandan güclü siqnaldır, belə dəstəyə görə təşəkkür edirəm. İsveçrədəki Sammitdə iştirakınıza görə sizə təşəkkür edirik. Bu, sülhə doğru ilk addımdır, bütün addımlar dəyərlidir. Bunu dəstəkləməyiniz də vacibdir. Hamımız başa düşürük ki, insan həyatını itirməmək üçün bu yolu mümkün qədər tez başa vurmalıyıq”, - deyə o vurğulayıb.
Həmsöhbətlər İsveçrədə keçirilən ilk sülh sammitinin qərarlarına və Ukrayna üçün ədalətli və davamlı sülhün bərqərar olmasında Vatikanın roluna diqqət yetiriblər.