Sadə xəbər
Cənubi Afrikanın Keyptaun şəhərində iyulun 6-dan etibarən davam edən leysan yağışların səbəb olduğu daşqınlar nəticəsində minlərlə insan evsiz qalıb.
"Saat24.az" xəbər verir ki, daşqınlar zamanı şəhərin ən böyük gecəqondularından biri olan Xayelitşada mindən çox evə ziyan dəyib, ən azı 4 min insan evlərini tərk edib.
Cənubi Afrika Meteorologiya Bürosu Keyptaun və ətrafına təsir edən kəskin hava şəraiti barədə xəbərdarlıq edib.
Yağıntı və küləyin hələ bir neçə gün davam edəcəyi bildirilib.
