Bakıda fəaliyyət göstərən taksilərin sayı 3 dəfə ehtiyacı üstələyir

CƏMİYYƏT 11.03.2024 1603

Bu gün aparılan işlər çərçivəsində Bakıda taksilərin sayı 67 mindən 60 minə qədər azalıb.

"Saat24.az" xəbər verir ki, bunu rəqəmsal inkişaf və nəqliyyat nazirinin müavini Rəhman Hümmətov Milli Məclisin İqtisadi siyasət, sənaye və sahibkarlıq komitəsində bu gün keçirilən ictimai dinləmədə deyib.

Onun sözlərinə görə, Bakının adam sayı nəzərə alınmaqla cəmi 20 min çivarında taksiyə ehtiyacı var: “Hazırda bizim avtobuslar və yük maşınlarında sürücülərə ehtiyacımız var. Bir taksini bəzən iki nəfərdə işlədir. Bu səbəbdən taksilərin sayının azaldılması insanların iş yerlərinin itirməsi demək deyil”.

R. Hümmətov qeyd edib ki, bundan başqa, ikinci iş kimi taksi fəaliyyəti ilə məşğul olanlar da var.

Nazir müavini həmçinin bu il Bakıya 100 elektrikli avtobusun gətirilməsi planlarını da açıqlayıb: "Növbəti illərdə bu sayın daha da artırılması planlaşdırılır. Elektrikli avtomobillərin bütün müsbət tərəfləri ilə yanaşı, elektrik xətlərində əlavə yüklənəmələrə səbəb olacaq, bu da indidən planlaşdırılmalıdır".

XƏBƏR LENTİ

DİGƏR XƏBƏRLƏR

Loading
Top