Əməkdar jurnalist Rəhman Orxan dünyasını dəyişdi

HADİSƏ 02.02.2024 2349

Əməkdar jurnalist, tanınmış ziyalı Rəhman Orxan bu gün dünyasını dəyişib. 

"Saat24.az" xəbər verir ki, jurnalist uzun sürən xəstəlikdən sonra vəfat edib. 

Qeyd edək ki, Rəhman Orxan uzun illər “Vışka” qəzetinin xüsusi müxbiri işləyib. “Bakinets” qəzetinin təsisçisi və baş redaktoru olub.

Dağlıq Qarabağ mövzusuna, xalqımızın erməni faşizminə qarşı apardığı ədalətli mübarizəyə həsr olunmuş yazılarına və jurnalist hüquqlarının müdafiəsinə görə 1993-cü ildə Osman Mirzəyev adına Respublika mükafatına layiq görülüb.

2001-2013-cü illərdə “Azərikimya” İstehsalat Birliyinin Mətbuat Xidmətinin rəhbəri vəzifəsində çalışıb.

Azərbaycan Jurnalistlər Birliyinin üzvüdür. Bir neçə kitabın müəllifi və redaktorudur.

Prezident İlham Əliyevin 4 oktyabr 2016-ci il tarixli sərəncamı ilə Azərbaycan Respublikasının Əməkdar jurnalisti fəxri adı verilib.

XƏBƏR LENTİ

DİGƏR XƏBƏRLƏR

Loading
Top