İmran Xan yenə həbs cəzası aldı

DÜNYA 31.01.2024 2863

Pakistan məhkəməsi ölkənin keçmiş baş naziri, müxalif Ədalət Hərəkatı (JM) partiyasının lideri İmran Xan və həyat yoldaşı Büşra Bibini 14 il müddətinə azadlıqdan məhrum edib.

"Saat24.az" xəbər verir ki, bu barədə "Dawn" qəzeti məlumat yayıb.

KİV yazır ki, cütlük korrupsiya və xarici hədiyyələrin satışı ilə bağlı işdə müttəhim olub. Müxbirlər qeyd ediblər ki, Büşra Bibi məhkəmə zalında olmayıb.

Məhkəmə həbs müddəti ilə yanaşı, ər-arvadın on il ərzində heç bir dövlət vəzifəsində işləməsinə icazə verilməməsinə qərar verib. Məhkəmə həmçinin hər bir şəxsi 787 milyon rupi cərimələyib.

Bu, Xanın iki gündə ikinci məhkumluğudur. Bir gün əvvəl İmran Xan və Pakistanın keçmiş xarici işlər naziri Şah Mahmud Qureşi dövlət sirrini yaymaqda ittiham olunaraq on il müddətinə azadlıqdan məhrum ediliblər .

Nəşrin məlumatına görə, məhkumlar “Rəsmi sirr haqqında” qanunu pozublar. Məhkəmə müəyyən edib ki, onlar Pakistanın Vaşinqtondakı səfirliyi tərəfindən 2023-cü ilin martında yazılmış gizli diplomatik məktubun məzmununu ifşa ediblər.

XƏBƏR LENTİ

DİGƏR XƏBƏRLƏR

Loading
Top