Sadə xəbər
ABŞ-ın Meriland ştatının Baltimor şəhərində atışma nəticəsində azı 3 nəfər ölüb, 1 nəfər yaralanıb.
"Saat24.az" TASS-a istinadən xəbər verir ki, bu barədə “Fox News” məlumat yayıb.
Qeyd edilib ki, hüquq-mühafizə orqanlarının əməkdaşları güllə yarası almış üç kişinin cəsədini tapıblar. Daha bir kişi xəstəxanaya aparılıb.
Polis şübhəlinin həbsi barədə məlumat verməyib və onun kimliyini təsdiqləməyib.
Hadisə ilə bağlı araşdırma aparılır.
