Sadə xəbər
İraq Xarici İşlər Nazirliyi İranın İraqın Ərbilə endirdiyi zərbələrlə bağlı BMT Təhlükəsizlik Şurasına və BMT-nin baş katibi Antonio Quterreşə iki eyni məktub göndərib.
Saat24.az xarici KİV-ə istinadən xəbər verir ki, bu barədə İraq Xarici İşlər Nazirliyinin bəyanatında deyilir:
“İranın raket hücumu mülki əhalinin tələfatı, başqalarının yaralanması, dövlət və şəxsi əmlaka ziyan vurması ilə nəticələnib. Bu hücum İraqın suverenliyi, ərazi bütövlüyü və İraq xalqının təhlükəsizliyinin kobud şəkildə pozulmasıdır", - nazirlik vurğulayıb.
Xatırladaq ki, İran İslam İnqilabı Keşikçiləri Korpusu (SEPAH) İraq və Suriyadakı hədəflərə zərbələr endirib.
