Braziliyanın Lajeadu do-Buqre şəhərinin meri Robertu Masiel duş Santuş iş yerində öldürülüb.
O, silahlı şəxs tərəfindən güllələnərək qətlə yetirilib.
Cinayətkar həmçinin şəhər administrasiyasının əməkdaşına da atəş açıb və o güllə yarası ilə xəstəxanaya yerləşdirilib.
Hüquq-mühafizə orqanlarının məlumatına görə, maskalı naməlum şəxs saat 11 radələrində şəhər rəhbərinin ofisinə daxil olub və ona atəş açıb. Sonra qatil avtomobillə naməlum istiqamətdə gözdən itib.
2020-ci ildə yenidən şəhər meri seçilən məmur yerindəcə dünyasını dəyişib.
Mənbə: TASS
