Rusiyalı hərbçilər Ukraynanın dinc sakinlərini səngər qazmağa məcbur edirlər

DÜNYA 18.11.2022 1350

“Ukraynanın Zaporojye vilayətinin işğal olunmuş Melitopol rayonunda rusiyalılar yerli sakinləri səngər qazmağa məcbur edirlər. Rusiyalı hərbçilər Xersondan Melitopola qaçıblar. Burada söhbət minlərlə hərbçidən və texnikadan gedir”.

Bu barədə Melitopol meri İvan Fedorov brifinq zamanı bildirib.

“Onlar bu kəndlərə köçür, burada yaşayan insanları evlərindən çıxarırlar. Bu gün sakinlərimiz bizə məlumat veriblər ki, onların məcburi əmək məşğuliyyəti ortaya çıxıb. Belə ki, bütün kənd sakinləri çıxıb səngərlər qazmalıdırlar”, - deyə mer məlumat verib.

Fedorovun sözlərinə görə, əvvəllər rusiyalılar bu qəbildən işlər üçün pul təklif edirdilər. Həmçinin azad buraxılmaları müqabilində əsir götürdükləri kişiləri qazma işləri aparmağa məcbur edirdilər.

“Bu gün onlar heç nəyə baxmırlar, heç kimi əsir götürmürlər, sadəcə olaraq ələ keçirdikləri kəndlərdə bütün yerli sakinləri səngər qazmağa məcbur edirlər”, - deyə o əlavə edib.

Mənbə: UNIAN

XƏBƏR LENTİ

DİGƏR XƏBƏRLƏR

Loading
Top