Sadə xəbər
Mərkəzi Aran Regional Təhsil idarəsinin tabeliyindəki Mingəçevir 10 N-li məktəbin 2 a sinif şagirdlərinin iştirakı ilə Aprel şəhidlərinin xatirəsinə həsr edilmiş anım tədbiri keçirilib.Tədbirdə şəhid ailələrinin üzvüləri iştirak edib.
Anım tədbiri Dövlət himninin səsləndirilməsi və 2016-cı ilin Aprel döyüşlərində şəhid olanların xatirəsinin bir dəqiqəlik sükutla yad edilməsi ilə başlayıb.Tıdbirin təşkilatçısı məktəbin 2 a sinif müəlliməsi Rəqsanə İsmayılzadədir.
Tədbirin aparıcıları 2016-cı il aprelində dinc əhalinin atəşə tutulmasının qarşısının alınmasında və əks-həmlə əməliyyatı ilə strateji əhəmiyyətli mövqelərin əldə olunmasında Azərbaycan Ordusunun göstərdiyi şücaət və qazandığı qələbənin xalqımızda böyük ruh yüksəkliyi yaratdığını bildiriblər. Aprel döyüşləri ilə dövlətimizin və ordumuzun öz gücünü, xalqımızın birliyini, həmrəyliyini və vətənpərvərliyini bir daha sübuta yetirdiyini qeyd ediblər.
Daha sonra 2 a sinfinin şagirdləri Xədic,Nilay,Leyla,Maral,Rəqibə,Tərlan,Anar vətənpərvərlik mövzusunda şeirlər səsləndiriblər.Tədbir boyunca şagirdlərin ifasında vətənpərvərlik mövzusunda mahnılar səsləndirilib.Balaca fidanların hazırladıqları kiçik səhnəciklərdə təsirli anlar yaşandı.Şagirdlərin göstərdikləri səhnəciklərdə nəin ki,şəhid valideyinləri,hətta balaca fidanlar özləri göz yaşlarına hakim ola bilməyiblər.
Tahir, Əli, Nihat,Asif, ,Fuad "Ana mən əsgər gedirəm" mahnısını böyük gitara musiqi alətində qürur hissi ilə ifa ediblər.
Məktəbin şagirdi Aylin (ana rolunun ifaçısı) titrək səslə oxuduğu
"Əziz anam! Sən məni böyüdüb bu günə çatdırdın. Mənə Vətən sevgisini sən öyrətdin. İndi isə mən Vətənimi qoruyuram. Qorxma, ana! Biz qələbə çalacağıq! Əgər bu məktubu oxuyursansa, demək, mən şəhid olmuşam. Amma ağlama, ana! Mən Vətən üçün canımı verdim” sözləri ürəkləri titrətdi.
Tədbirdə şəhid anası İranə Həsənova çıxış edərək“Aprel döyüşləri göstərdi ki, bizim əsgərlərimiz, zabitlərimiz Vətən uğrunda ölümə getməyə hazırdırlar. Aprel döyüşləri bizim şanlı qələbəmizdir!”deyib. Balaca fidanlara hazırladıqları vətənpərvərlik ruhunda olan tədbirə görə minnətdarlığını bildirib.
Məktəbin direktoru Yeganə Kərimova öz çıxışında vətənimizin belə igid oğulları ilə hər kəsin fəxr etməli olduğunu bildirib.Qeyd edib ki, yeniyetmə və gənc nəslin milli köklərimizə bağlılıq, vətənpərvərlik, dövlətçiliyə sədaqət ruhunda tərbiyə olunması işi peşəsindən asılı olmayaraq hər kəsin qarşısında duran ən ümdə vəzifələrdəndir. Bu yolda pedaqoji kollektivin də zəhməti böyükdür:” Gənc nəslin hərbi vətənpərvərlik ruhunda tərbiyə olunması bizim ən vacib vəzifələrimizdən biridir.Şagirdlərimizə bunu aşılamaq bizim ən ümdə vəzifə borcumuzdur. Sağ olsun şagirdlərimiz bu gün bizlərə qürurlu anlar yaşatdılar. Bu gün şagirdlərimizdə olan vətənpərvər ruh onun göstəricisidir ki, dövri-qədimdən qəhrəmanlarımız olub, bu gün də var, sabah da olacaq”.
Qeyd edək ki, məktəblilərin hazırladığı bədi kompozisyalar da söylədikləri misralarda şəhidlərimizi anlatdılar. Çiyinlərində hələ çanta daşıyan o balaca mirvarilər millətinin mərd oğllarını qəhrəmanlıq şerləri,mahnıları ilə andılar.
Saat24.Az Esmira Hidayətova,Mingəçevir.
