Sadə xəbər
Tədbir Vətənin ərazi bütövlüyü uğrunda canlarından keçmiş şəhidlərimizin xatirəsinin bir dəqiqəlik sükutla yad edilməsi ilə başlayıb.
Şagirdlərin təqdimatında ədəbi-bədii kompozisiya ilə davam edən tədbirdə çıxış edənlər Müzəffər Ali Baş Komandanın rəhbərliyi altında rəşadətli Azərbaycan Ordusunun zəfər yürüşündən, 44 günlük Vətən müharibəsində göstərilən igidlik və qəhrəmanlıqlardan, şanlı qələbəmizin tarixi əhəmiyyətindən bəhs ediblər.
Məktəbin direktoru Yasin Cavadov belə bir təşəbbüsün məktəbin məzunu olmuş, 44 günlük vətən müharibəsinin qazisi Anar Mehtiyevdən gəldiyini vurğulayıb. Bildirib ki,torpaqlarımızın müdafiəsi uğrunda şəhid olanların xidməti heç vaxt unudulmayacaq,onlar qəlbimizdə daim yaşayacaqlar:” Məktəbin foyesində “Məktəbin şəhid məzunları” guşəsi yaradılmışdır. Məktəbimizin 14 şəhid məzunu var. Bu təşəbbüsədə ürəkdən qoşulduq. Qeyd edim ki, şagirdlərimizə vətənpərvərlik mövzusunda dərslər keçirilir, şəhidlərin həyatı barədə şagirdlərə məlumatlar verilir, şəhidlik zirvəsinə ucalmış bu insanların həyatı şagirdlərə nümunə kimi göstərilir. Eyni zamanda, şəhid ailələri ilə görüşlər keçirilir, onların övladları ilə söhbətlər aparılır.Bu gün də bu tədbirimizdə məktəbimizin şəhid məzunlarının ailə üzvüləri,məzun qazilərimiz iştirak edir. Allah bütün şəhidlərimizə rəhmət eləsin,qazilərimizə də can sağlığı arzu edirəm”.
Daha sonra çıxış edən qazi Anar Mehtiyev,2 şəhid anası Sevinc Əhmədova,Şəhriyar İsmayılov,təqaüddə olan müəllim Məlahət İbrahimova çıxış edərək bu kimi tədbirlərin təqdirə layiq olduğunu bildiriblər.
Xatirə lövhəsinə baxış keçirilib,xatirə şəkilləri çəkdirilib.
Tədbirdə Mingəçevir şəhər təhsil sektorunun nümayəndəsi Gündüz Abbasov və şəhid Y.Muradovun qardaşı Azər Muradov da iştirak edib.
Saat24.Az Esmira Hidayətova,Mingəçevir.
