Sadə xəbər
Azərbaycan Milli Elmlər Akademiyasının Elmi Kitabxanasında tanınmış şair-publisist Xuraman Muradovanın "Əsrin qəhrəmanı olan komandan" adlı kitabının təqdimatı keçirildi. Tədbirdə xalq yazıçıları Çingiz Abdullayev və Natiq Rəsulzadə, Milli Məclisin deputatları, Özbəkistanın Azərbaycandakı Fövqəladə və Səlahiyyətli səfiri Bahrom Aşrofxanov, Beynəlxalq Türk Mədəniyyəti və İrsi Fondunun prezidenti Aktoti Rahimkulova, Qazaxıstan-Azərbaycan Dostluq Cəmiyyətinin sədri Eldar Günaydın, Azərbaycanın tanınmış ziyalıları, elm adamları iştirak edirdilər. Tədbirdə çıxış edərək Ali Baş Komandan İlham Əliyevin doğum günü ərəfəsinə təsadüf edən bu təqdimatın əhəmiyyətindən, tarixə qəhrəmanlıq salnaməsi yazan Müzəffər Ali Baş Komandan Prezident İlham Əliyevin komandanlığı ilə qazandığımız Böyük Zəfər dən, əldə etdiyimiz ölçüyəgəlməz uğurlardan bəhs etdim, bu uğur və qələbələrin kitabda əks olunduğu məqalələr haqqında danışdım.
