Sadə xəbər
Ankaranın Çankaya səmtində gecə saatlarında silahlı insident baş verib.
"Saat24.az" Türkiyə mətbuatına istinadən xəbər verir ki, evinə gedən iş adamı Nihat Karaarslan naməlum şəxs tərəfindən silahlı hücuma məruz qalıb. Bədəninə 3 güllə dəyən Karaarslan ağır yaralanıb. O, qısa zamanda xəstəxanaya yerləşdirilib. Hadisəni törədən şəxsin kimliyi də bəlli olub.
Məlum olub ki, hadisəni törədən şəxs Karaaslanın qohumu C.A-dır. İnsident zamanı C.A da yaralanıb. O, iş adamının mühafizəçiləri tərəfindən saxlanılaraq, polisə təhvil verilib.
