Sadə xəbər
BMT Təhlükəsizlik Şurası Qəzza zolağında atəşkəsin mərhələli şəkildə həyata keçirilməsi üçün qətnamə qəbul edib.
"Saat24.az" xəbər verir ki, bu proqramı daha əvvəl ABŞ prezidenti Co Bayden təqdim edib. 15 ölkədən 14-ü qətnamənin lehinə səs verib. Rusiya səsvermədə bitərəf qalıb.
İsrail və Fələstinin radikal HƏMAS hərəkatı arasında atəşkəs planı üç mərhələdən ibarətdir: birincisi, hər iki tərəfdən dərhal atəşkəs, İsrail qoşunlarının anklavın məskunlaşdığı ərazilərdən çıxarılması, HƏMAS yaraqlıları tərəfindən girovların azad edilməsi və İsraildə həbs olunan fələstinlilərin dəyişdirilməsidir.
İkinci mərhələyə qalan girovların azad edilməsi və İsrail qüvvələrinin Qəzzadan tam çıxarılması daxildir. Hər iki tərəf razılaşarsa, atəşkəs daimi olacaq.
Üçüncü mərhələdə isə qətnaməyə əsasən, anklavın bərpasına başlanılacaq. Qətnamə həmçinin Qəzza zolağında hər hansı ərazi və ya demoqrafik dəyişiklikləri rədd edir.
