Bakıda yaşlı kişi bədbəxt hadisənin qurbanı olub.
Lent.az xəbər verir ki, hadisə paytaxtın Sabunçu rayonunda qeydə alınıb.
Belə ki, may ayının 1-də 60 yaşlı Bağırov Məhəmməd Qəzənfər oğlu yıxılaraq xəsarət alıb.
O, ağır vəziyyətdə Sabunçu Tibb Mərkəzinə yerləşdirilib. Həkimlərin müdaxiləsinə baxmayaraq, M.Bağırovun həyatını xilas etmək mümkün olmayıb.
Faktla bağlı Sabunçu rayon Prokurorluğunda araşdırma aparılır.
