Məşhur türk müğənni Ebru Gündəş yenidən evlənib.
"Saat24.az" Türkiyə mediasına istinadən xəbər verir ki, sənətçi özündən 12 yaş kiçik iş adamı Murat Özdəmirlə ailə həyatı qurub. Bu barədə səs sənətçisi Onur Akay məlumat yayıb və nikah Dubayda baş tutub.
"Ebru Gündəş və Murat Özdəmir Dubayda evləndi. Bal ayında cütlük Körfəz turuna çıxacaq", deyə Onur Akay bildirib.
Ebru Gündəşin ilk evliliyi 1990-cı ildə Həmdi Vardarla olub. Bu evlilik qısamüddət davam edib və cütlük 3 ildən sonra boşanıb. 49 yaşlı sənətçi Ömər Durakla ikinci evliliyini 2002-ci ildə etsə də, cütlük bir ildən sonra ayrılmaq qərarına gəlib. Ebru Gündəş 2010-cu ildə cənubi azərbaycanlı iş adamı Rza Zərrabla üçüncü evliliyini reallaşdırıb və cütlüyün 15 oktyabr 2011-ci ildə Alara adlı qızı dünyaya gəlib. Ebru Gündəş və Rza Zərrab 2021-ci ildə qalmaqallı şəkildə boşanıblar.
