Sadə xəbər
İsrail ordusunun 7 oktyabrdan bəri Qəzzada həyata keçirdiyi hücumlarda ölən jurnalistlərin sayının 98-ə yüksəldiyi açıqlanıb.
"Saat24.az" xəbər verir ki, məsələ ilə bağlı Qəzza hökumətinin Media Ofisindən açıqlama verilib. Açıqlamada Ala Əbu Muammer adlı jurnalistin İsrailin hücumunda həyatını itirdiyi, bununla da oktyabrın 7-dən bu yana öldürülən jurnalistlərin sayının 98-ə yüksəldiyi vurğulanıb.
Həmçinin Media Ofisinin daha əvvəlki açıqlamasında İsrailin "Fələstin hekayəsini susdurmaq, faktları gizlətmək, xəbər və məlumatların regional və beynəlxalq ictimaiyyətə çatmasının qarşısını almaq üçün Qəzzada jurnalistləri qəsdən öldürdüyü" bildirilmişdi.
