Sadə xəbər
Mart ayının 31-də Mingəçevir Şəhidlər Xiyabanında 31 mart Azərbaycanlıların Soyqırımı Günü münasibəti ilə şəhər İcra Hakimiyyətinin təşkilatçılığı ilə Anım tədbiri keçirilib. Tədbirdə şəhər İcra Hakimiyyətinin, hüquq-mühafizə orqanlarının rəsmiləri, idarə və müəssisələrin, ictimai təşkilatların təmsilçiləri, mətbuat işçiləri iştirak ediblər. Tədbir öncəsi soyqırım qurbanlarının ruhuna dualar oxunub.
Soyqırım abidə Kompleksinin qarşısaında keçirilən tədbir iştirakçıları öncə 1918-ci ilin 30 mart və 3 aprel aralığında daşnak erməni silahlı dəstələri tərəfindən kütləvi şəkildə vəhşicəsinə qətlə yetirilmiş azərbaycanlıların, soyqırım qurbanlarının xatirəsini bir dəqiqəlik sükutla yad ediblər.
Şəhər İcra Hakimiyyətinin başçısı İlham İsmayılov geniş məruzə ilə çıxış edərək o zaman Bakı şəhərində və Bakı quberniyasının müxtəlif bölgələrində, həmçinin iyirminci əsrin müxtəlif dövrlərində, 1988-94-cü illərdə separatçı ermənilərin xalqımızın başına gətirdiyi müsibətlərdən, törədilən qətliamlardan, işğalçılıq əməllərindən söz açıb. Qeyd edib ki, Ulu Öndər Heydər Əliyevin 1998-ci il mart ayının 26-da imzaladığı müvafiq sərəncamla 31 mart Azərbaycanlıların Soyqırımı Günü kimi təsis edilib. Bu siyasi xəttin uğurlu davamçısı, Azərbaycan Respublikasının Prezidenti, Ali Baş Komandanımız İlham Əliyevin qətiyyətli fəaliyyəti, sərkərdəlik səriştəsi sayəsində uzun illərdən sonra 2020-ci ildə 44 günlük Vətən müharibəsində erməni faşistlərinin cavabı qətiyyətlə verilmiş, torpaqlarımız öz sahiblərinə qaytarılmışdır. Cəsur əsgər və zabitlərimizin, şəhidlərimizin qəhrəmanlığı sayəsində Azərbaycan xalqı öz ərazi bütövlüyünü təmin etmiş, suverenliyini bərpa etmiş, Zəfər tarixini yazmışdır. Bu gün biz bütün soyqırım qurbanlarının, şəhidlərimizin xatirəsini ehtiramla anır, onlara Allahdan rəhmət diləyirik.
Tədbirdə ictimaiyyət nümayəndələrindən Mayıl İsmayılov, Rizvan Mikayıllı, Əlağa Bəndəliyev çıxış edərək Soyqırım Günü ilə əlaqədar fikirlərini bölüşüblər. Şəhidlərimiz yad olunub, qazilərə can sağlığı arzulanıb.
Sonra Soyqırım abidə Kompleksinin önünə gül dəstələri düzülüb, faciə qurbanlarının xatirəsinə ehtiram ifadə olunub.
Saat24.Az Esmira Hidayətova Mingəçevir
Soyqırım abidə Kompleksinin qarşısaında keçirilən tədbir iştirakçıları öncə 1918-ci ilin 30 mart və 3 aprel aralığında daşnak erməni silahlı dəstələri tərəfindən kütləvi şəkildə vəhşicəsinə qətlə yetirilmiş azərbaycanlıların, soyqırım qurbanlarının xatirəsini bir dəqiqəlik sükutla yad ediblər.
Şəhər İcra Hakimiyyətinin başçısı İlham İsmayılov geniş məruzə ilə çıxış edərək o zaman Bakı şəhərində və Bakı quberniyasının müxtəlif bölgələrində, həmçinin iyirminci əsrin müxtəlif dövrlərində, 1988-94-cü illərdə separatçı ermənilərin xalqımızın başına gətirdiyi müsibətlərdən, törədilən qətliamlardan, işğalçılıq əməllərindən söz açıb. Qeyd edib ki, Ulu Öndər Heydər Əliyevin 1998-ci il mart ayının 26-da imzaladığı müvafiq sərəncamla 31 mart Azərbaycanlıların Soyqırımı Günü kimi təsis edilib. Bu siyasi xəttin uğurlu davamçısı, Azərbaycan Respublikasının Prezidenti, Ali Baş Komandanımız İlham Əliyevin qətiyyətli fəaliyyəti, sərkərdəlik səriştəsi sayəsində uzun illərdən sonra 2020-ci ildə 44 günlük Vətən müharibəsində erməni faşistlərinin cavabı qətiyyətlə verilmiş, torpaqlarımız öz sahiblərinə qaytarılmışdır. Cəsur əsgər və zabitlərimizin, şəhidlərimizin qəhrəmanlığı sayəsində Azərbaycan xalqı öz ərazi bütövlüyünü təmin etmiş, suverenliyini bərpa etmiş, Zəfər tarixini yazmışdır. Bu gün biz bütün soyqırım qurbanlarının, şəhidlərimizin xatirəsini ehtiramla anır, onlara Allahdan rəhmət diləyirik.
Tədbirdə ictimaiyyət nümayəndələrindən Mayıl İsmayılov, Rizvan Mikayıllı, Əlağa Bəndəliyev çıxış edərək Soyqırım Günü ilə əlaqədar fikirlərini bölüşüblər. Şəhidlərimiz yad olunub, qazilərə can sağlığı arzulanıb.
Sonra Soyqırım abidə Kompleksinin önünə gül dəstələri düzülüb, faciə qurbanlarının xatirəsinə ehtiram ifadə olunub.
Saat24.Az Esmira Hidayətova Mingəçevir
