Sadə xəbər
Bu günkü müsahibimiz peşəkar aktyor,”Ümid”mükafatşısı, Ağdam Dövlət Dram Teatrının gənc aktyoru Anar Əhməddir.
Anar bəy,istərdim sizi oxucalımız yaxından tanısın ..
- Mən - Anar Əhməd 2021-ci ildən Ağdam Dövlət Dram Teatrında aktyor vəzifəsində çalışıram.
- Peşə fəaliyyətinin irəliləyən xəttinə nəzər salaq bəlkə ...?
-- Peşəkar teatr fəaliyyətimə başladığım gündən bu yana Azərbaycan Respublikasının Mədəniyyət Nazirliyinin təşkilatçılığı ilə baş tutan əksər təlimlərdə , tədbirlərdə fəal iştirakımla fərqlənmişəm .2018 -ci ildə Mehdi Hüseynzadənin 100 illiyinə həsr olunmuş kitab müzakirəsində fəal iştiraka görə Ağdam 1 saylı məktəbinin rəhbərliyi tərəfindən təşəkkürnamə , 2019 -cu ildə də tədbirlərdə fəal iştiraka görə də eyni məktəb tərəfindən təşəkkürnamə , 2022 -ci ildə ATXİ -da keçirilən 44 günlük vətən müharibəsində qələbənin 2-ci ildönümünə həsr olunmuş " Zəfər Sədası " bədii qiraət müsabiqəsində iştiraka görə diplom , Vətən Müharibəsi şəhidlərinin xatirəsinə həsr olunmuş ədəbi - bədii kompozisiyada uğurlu çıxışa görə Ağdam Dövlət Dram Teatrı tərəfindən fəxri fərman , " Vaxtanqov məktəbin əsasında aktyor və rejissor sənətinin prinsipləri " təlimində iştiraka görə AİM tərəfindən sertifikat , " Obraz üzərində iş prosesi və obrazın açarı " təlimində iştiraka görə AİM tərəfindən sertifikatlarla təltif olunmuşam..
Yerli icra orqanlarının Rəsmi tədbirlərində iştirak etmisinizmi , yaxud digər Rəsmi Dövlət tədbirlərində hər hansı qatqınız olubmu ?
---Bəli , Ağdam Rayon İcra Hakimiyyətinin keçirdiyi Rəsmi Tədbirlərdə , həmçinin Bayram konsertlərində həmişə iştirak etmişəm . Əlavə olaraq Azərbaycan ,Respublikası Mədəniyyət Nazirliyi və " Teatro.az " sənət portalının " Şuşa ili" nə həsr etdiyi " II 4.4 qısa tamaşalar festivalı"nda da iştirak etmişəm..
Teatr sahəsində , film sənayesində yadacılıq işləriniz barədə biraz danışın ....
---- N.A.Nekrasovun " Sələmçi tamaşasında , xalq yazıçısı Afaq Məsud " Can üstə " tamaşasında , Arzu Soltanın - " Çobanın tütəyi" tamaşasında , 2023-cü ildə Azərbaycan Teatrlar Xadimləri İttifaqında keçirilən Heydər Əliyevin 100 illik yubileyinə həsr olunmuş "Sən elə bir zirvəsən ... " bədii-qiraət müsabiqəsində iştirak etmişəm..hətta bu iştirakıma görə görə , ATXİ - ı tərəfindən diplomla mükafatlandırılmışam. " Vətən müharibəsinin Ağdam şəhidləri " adlı kitab təqdimatı gecəsində , Respublikanın əməkdar artisti , fəxri mədəniyyət işçisi Fəqumə Yusifovanın 70 illik yubileyində , şair Nazim Muğanlının 70 illik yubileyinə həsr olunmuş ədəbi - bədii gecədə , " İdeovate consulting " - Bakı abadlıq MMC xidməti ilə birgə təşkil etdiyi Teatral studiya " Laçın yay düşərgəsi " proyektində də aktyor və qiraətçi olaraq iştiraklarım olub .hətta bu işlərimə görə də fəxri fərmanlarla mükafatlandırılmışam..
Sualıma cavabı tam ala bilmədiyim üçün yenidən o suala qayıtmaq istərdim .
Teatr tamaşası və Filmlərdə oynamısınızmı , hansıların adını çəkə bilərsiniz..?
-- Əslində tamaşalarda istər həvəskar , istər peşəkar işlərim çoxdur , hətta filmlərdə də ..Məsələn - C.Cabbarlı " Sevil" tamaşası , Fuad Əlişov " Lazım gəlsə " filmi və sair .
Yaradıcı layihələrdə olduğunuzu da əvvəl demişdiniz ..bu yöndə əlavə hansı işləriniz , fəaliyyətiniz olub ?
-- " İncəsənət işığı - teatr sənəti " layihəsinin rəhbəri , Azərbaycan Respublikası Mədəniyyət Nazirliyinin Mədəniyyət üzrə Elmi -Metodiki və İxtisasartırma Mərkəzi " Nəsildən -nəslə teatr " layihəsində seminarlarda iştirak etmişəm. Onunda qeyd edim ki, Azərbaycan Teatr Xadimləri İttifaqının Gənclər Sektorunun üzvü olaraq , Əməkdar İncəsənət xadimi - Rejissor Bəhram .Osmanovun rəhbərlik etdiyi Azərbaycan Teatr Xadimləri İttifaqında fəaliyyət göstərən " Rejissor " laboratoriyasını bitirmişəm .
Hətta sizin rejissor köməkçisi və internet TV kanalda aparıcı kimi də fəaliyyətiniz olub , bu doğrudurmu ?
- Bəli .. Filipponun " Trombonçu " tamaşasında rejissor köməkçisi olmuşam , Tv8N internet kanalında aparıcı kimi fəaliyyətim də olub..
- Azərbaycan Televiziya məkanlarında - bütün Rəsmi Kanallarda yaradıcı verilişlərdə , proyektlərdə də iştirak etmişəm.Azad Azərbaycan Televiziyasında yayımlanan " Qara -qura işlər " serialında da çəkilmişəm..bunu unutmuşdum sizə deməyi ..
2025- ci il mart ayının 10-da Azərbaycan Respublikasının Mədəniyyət Nazirliyi, Dövlət Televiziya və Radio Verilişləri Qapalı Səhmdar Cəmiyyəti, Azərbaycan Teatr Xadimləri İttifaqı və Akademik Milli Dram Teatrının təşkilatçılığı ilə 10 mart - Milli Teatr Gününə həsr olunmuş təntənəli bayram tədbiri və “Bölgə teatrlarının Bakı premyeraları” layihəsinin bağlanış mərasimində , teatr sənəti sahəsində uğurlu fəaliyyətə görə " Azərbaycan Teatr Xadimləri İttifaqı tərəfində "ÜMİD" mükafatı ilə təltif olunmuşam.
Sizin bu yaşda bu qədər ciddi yaradıcı fəaliyyətivniz bizi təəccübləndirdi .Əhsən.inanırıq ki, siz Azərbaycan mədəniyyətinə həmişə yararlı kadr olacaqsıniz .Uğurlar arzulayırıq.
-- Mən də sizə təşəkkür edirəm.Gəncləri üzə çıxarirsınız , fəaliyyətlərini yazıb oxuculara təqdim edirsiniz.Bu ən böyük dəstəkdir bizim ücün .Bir daha sizə minnətdarlığımı bildirirəm .Və xalqıma , tamaşaçılara söz verirəm ki, daima mədəniyyətimiz , teatrımız üçün çalışacaq , öz işimlə , bacarığımla Azərbaycan Mədəniyyətini ölkə hüdudlarından kənarda da yüksək səviyyədə təqdim edəcəyəm .
Esmira Hidayətova,Ağdam.
