Sadə xəbər
Ötən gün faciəli şəkildə həlak olan Aylin Məmmədova Lənkəran Dövlət Universitetinin (LDU) tələbəsi olub
Bu barədə Oxu.Az-a universitetdən məlumat verilib.
Qeyd olunur ki, o, LDU-nun "Filologiya və ibtidai təhsil" fakültəsinin xarici dil müəllimliyi (ingilis dili üzrə) ixtisasının II kurs tələbəsi idi.
Xatırladaq ki, hadisə ötən gün axşam saatlarında Ələt-Astara yolunun Masallı rayonunun Təzə Alvadı kəndindən keçən hissəsində qeydə alınıb.
Masallı rayonunda piyadavurma hadisəsi baş verib.
Oxu.Az "Qafqazinfo"ya istinadla xəbər verir ki, hadisə dünən saat 19 radələrində Ələt-Astara yolunun 154-cü kilometrliyində - Təzə Alvadı kəndinin ərazisində qeydə alınıb.
Bakı şəhər sakini, 1975-ci il təvəllüdlü Niyazi İkram oğlu Abdullayev idarə etdiyi "Mercedes-Benz" markalı, 10-UT-770 dövlət nömrə nişanlı avtomobillə yolu keçən kənd sakini, 2006-cı il təvəllüdlü Aylin Malik qızı Məmmədovanı vurub.
Xəstəxanaya yerləşdirilmiş A.Məmmədova orada ölüb. Məlumata görə, hadisə A.Məmmədova avtobusdan düşüb yolu keçərkən baş verib. O, universitetlərdən birinin tələbəsi imiş.
