Saxta əlillik dərəcəsi ilə bağlı qalmaqal davam edir - Könül Sultanovanın işi yenidən Ali Məhkəmədə

CƏMİYYƏT 19.03.2024 2523
Bakı Apellyasiya Məhkəməsinin barəsində bəraətverici əsaslarla hökm çıxardığı həkim Könül Sultanovanın cinayət işi yenidən Ali Məhkəmədədir. 

"Saat24.az"ın  Qaynarinfo-dan əldə etdiyi məlumata görə, kassasiya şikayətini Tibbi Ərazi Bölmələrini İdarəetmə Birliyi (TƏBİB) verib. Tahir Kazımov iş üzrə hakim təyin edilib. 

Könül Sultanova Cinayət Məcəlləsinin 308.1-ci (Vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurmaq) maddəsi ilə ittiham edilib. 

İttihama görə, TƏBİB-in 15 saylı şəhər poliklinikasında Həkim Məsləhət Komissiyasının üzvü Könül Sultanova öz fəaliyyət göstərdiyi komissiyaya müraciət edən şəxslərə əlillik dərəcəsinin verilməsinə nail olmaq məqsədilə onların xəstəlikləri barədə məlumatları bilərəkdən ağırlaşdıraraq təhrif edilən formada rəsmi elektron informasiya resursuna daxil edib.

Cinayət işini məhkəmə istintaqı Binəqədi Rayon Məhkəməsində aparılıb. Məhkəmə Könül Sultanovanı təqsirli bilərək 3 min manat cərimə edib. Bakı Apellyasiya Məhkəməsi hökmü qüvvədə saxlayıb.

Könül Sultanova Ali Məhkəməyə kassasiya şikayəti verib. Ali Məhkəmə hökmdə qanun pozuntuları aşkar edərək işi yenidən araşdırılması üçün apellyasiya baxışına qaytarıb. Bakı Apellyasiya Məhkəməsi isə Könül Sultanova barəsində bəraətverici əsaslarla hökm çıxarıb. 

Görünür, məhkəməni bu mövqeyi iş üzrə zərərçəkmiş qismində tanınan TƏBİB-i qane etməyib. Bu baxımdan, Ali Məhkəməyə kassasiya şikayəti verib. 
XƏBƏR LENTİ
20.04.2024 2025

DİGƏR XƏBƏRLƏR

Loading
Top