Məktəbi bitirə bilməyən 1300-ə yaxın şəxs imtahan verəcək

GÜNDƏM 18.12.2023 1131

Bakıda məktəbi bitirə bilməyən 1300-ə yaxın şəxs imtahan verəcək.

Bu barədə "Saat24.az"a Bakı Şəhəri Üzrə Təhsil İdarəsindən məlumat verilib.

Qeyd olunub ki, əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə başa vura bilməyən şəxslər üçün eksternat qaydasında keçiriləcək aralıq imtahanları üçün sənəd qəbulu başa çatıb. Eksternat imtahanlarında iştirak etmək üçün 1 290 müraciət daxil olub. eksternat imtahanları 25-26 dekabrda paytaxtdakı 258 nömrəli tam orta məktəbdə təşkil olunacaq.

Qeyd edək ki, eksternat təhsilalma formasının tətbiqi müxtəlif səbəblərdən ümumi orta və tam orta təhsil səviyyələrini başa vura bilməyən şəxslərə həmin səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır. Eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququna sahib olacaqlar.

XƏBƏR LENTİ

DİGƏR XƏBƏRLƏR

Loading
Top