Ötən gecə Türkiyədə vəfat edən Azərbaycanın keçmiş vergilər naziri Fazil Məmmədovun cənazəsi Bakıya gətirilib.
Bu barədə “Report”a onun ailəsindən məlumat verilib.
Bildirilib ki, sabiq nazirin cənazəsi yaşadığı evə aparılıb.
F.Məmmədov noyabrın 5-də Yasamal qəbiristanlığında torpağa tapşırılacaq.
Qeyd edək ki, F.Məmmədov ötən gecə Türkiyədə müalicə olunduğu xəstəxanada dünyasını dəyişib. Onun ürək çatışmazlığından vəfat etdiyi bildirilib.
Xatırladaq ki, F.Məmmədov 1964-cü ildə anadan olub. O, 2000-2017-ci illərdə vergilər naziri vəzifəsində çalışıb.
12:51
Ötən gecə Türkiyədə vəfat edən Azərbaycanın keçmiş vergilər naziri Fazil Məmmədovun nəşi bu gün ölkəyə gətiriləcək.
Bu barədə Oxu.Az-a ailə yaxınları məlumat verib.
Bildirilib ki, 58 yaşlı sabiq nazir sabah Yasamal qəbiristanlığında son mənzilə yola salınacaq.
10:24
Baku TV-nin əməkdaşları mərhum vergilər naziri Fazil Məmmədovun evinin qarşısından canlı yayıma çıxıb.
Həmin görüntüləri təqdim edirik:
09:27
Sabiq vergilər naziri Fazil Məmmədovun ölüm xəbəri təsdiqlənib.
Bununla bağlı Oxu.Az-a mərhumun yaxınları məlumat verib.
Bildirilib ki, F.Məmmədovun nəşinin Azərbaycana gətirilməsi istiqamətində tədbirlər görülür.
İlkin məlumata görə, sabiq nazir ötən gecə Türkiyədə müalicə aldığı xəstəxanada ürək çatışmazlığından vəfat edib.
09:00
Sabiq vergilər naziri Fazil Məmmədovun vəfat etdiyi iddia olunur.
Oxu.Az bildirir ki, bu barədə məlumat sosial şəbəkələrdə yayılıb.
Mərhumun nəşi bu gün Bakıya gətiriləcək.
Qeyd edək ki, F.Məmmədov 2000-2017-ci illərdə Azərbaycanın vergilər naziri olub.
