23 yaşlı gəncin arzuları yarımçıq qala bilər: Ayağının amputasiya olunmaması üçün əməliyyat edilməlidir - FOTO

GÜNDƏM 19.09.2022 1281

Aytac Baxşəliyeva xərçəng xəstəliyindən əziyyət çəkir.

Bu barədə Saat24.Az məlumat verib.

O qeyd edib ki, övladının xəstəliyini 2020-ci ildə biliblər:

“Qızımın cəmi 23 yaşı var. Bakı Dövlət Universitetinin məzunudur. Qəfildən ayağında şiddətli ağrılar başladı. İlk dəfə ayağından biopsi götürüldükdə dəqiq diaqnoz qoyulmadı. Lakin ikinci dəfə biz onun xəstəliyinin nə olduğunu öyrəndik. Ona Osteoblastoma (Osteoblastoma ölçüsü adətən 2 santimetrdən çox olan xoşxassəli sümük törəməsidir) diaqnozu qoyuldu. Qızım hazırda çox güclü ağrıkəsicilər qəbul edir. Ayağının amputasiya olunması ilə qarşı-qarşıyayıq. Lakin Türkiyədə özəl xəstəxanalardan birindən bizə ümid verdilər ki, onun ayağını xilas edə biləcəklər. Bunun üçün bizə lazım olan 90 min dollar lazım idi. Qızımın vəziyyətinə görə biz evimizi satdıq. Bu puldan 20 min dollar əskiyimiz qalıb. Qızımın arzuları çoxdur. Onun bu istəklərindən məhrum olmaması üçün bizə kömək edin”.

Mövzu ilə əlaqədar olaraq İcbari Tibbi Sığorta üzrə Dövlət Agentliyindən bildirilib ki, vətəndaş Aytac Baxşəliyevanın ailə üzvü ilə əlaqə saxlanılıb:

“O, 4-cü dərəcəli xərçəng xəstəsidir. İcbari tibbi sığortanın Xidmətlər Zərfinə onkoloji xəstəliklərin müalicəsi daxil deyil. Bu xəstəlikdən əziyyət çəkən pasiyentlər Səhiyyə Nazirliyinin tabeliyində olan Milli Onkoloji Mərkəzdə müalicə olunurlar. Vətəndaşa bildirilib ki, Agentlik Səhiyyə Nazirliyinə xəstəyə köməklik göstərilməsi üçün müraciət edə bilər. A.Baxşəliyevanın ailə üzvü bundan imtina edib və xəstənin yalnız Türkiyə Respublikasında müalicə almaq istədiyini qeyd edib. Bu səbəbdən ehtiyac olduğuna görə ailə yardım aksiyasına davam edəcək”.

Ailənin əlaqə nömrəsi: 050-324-57-50

 







XƏBƏR LENTİ

DİGƏR XƏBƏRLƏR

Loading
Top