Məktəblərdə Bilik Günü qeyd edilməyəcək

GÜNDƏM 14.09.2022 1021

Azərbaycanda fəaliyyət göstərən məktəblərdə Bilik Günü qeyd edilməyəcək.

Saat24.Az-ın məlumatına görə, artıq bu barədə məktəb rəhbərlərinə məlumat verilib. 

Buna səbəb Ermənistan silahlı qüvvələrinin Azərbaycan-Ermənistan dövlət sərhədi istiqamətində genişmiqyaslı təxribat törətməsidir.  

Belə ki, Bilik Günü ilə bağlı təhsil ocaqlarında tədbir zamanı Dövlət Himni səsləndiriləcək, şəhidlərimizin ruhu yad ediləcək. Eyni zamanda, xüsusi bəzəklərdən və musiqidən istifadə olunmayacaq.

Qeyd edək ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.

Müdafiə Nazirliyindən verilən məlumata görə, genişmiqyaslı təxribatın qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçusu olmaqla ümumilikdə Silahlı Qüvvələrin 50 hərbi qulluqçusu şəhid olub.

İlhamə Əbülfət

Mövzu ilə əlaqədar

Azərbaycan MN: “Ermənistanın genişmiqyaslı təxribatı nəticəsində 50 hərbçimiz şəhid olub”Azərbaycan MN: “Ermənistanın genişmiqyaslı təxribatı nəticəsində 50 hərbçimiz şəhid olub”
XƏBƏR LENTİ

DİGƏR XƏBƏRLƏR

Loading
Top