ARDNF-dən yalan məlumatlarla bağlı XƏBƏRDARLIQ

GÜNDƏM 16.08.2022 1033

Son üç ayda Azərbaycan Dövlət Neft Fondunun (ARDNF) və Azərbaycan Dövlət Neft Şirkətinin (SOCAR) adından Azərbaycan vətəndaşlarını individual əsasda investisiya, neft və qaz treydinqi fəaliyyətinə sövq edən geniş xəbərlər yayılır.

Bu barədə Fondun yaydığı xəbərdarlıqda bildirilir.


Qurum bəyan edib ki, bu yönümdə oxşar çağırışlar ARDNF-nin İcraçı Direktoru İsrafil Məmmədovun adından da haker üsulu ilə tirajlanıb.

ARDNF bu paylaşımların tamamilə yanlış, həqiqəti əks etdirməyən məlumat olduğunu vətəndaşların diqqətinə çatdırıb və qeyd edib ki, onların Fondun fəaliyyətinə heç bir aidiyyəti yoxdur.

“ARDNF onun adından istifadə edərək verilən vədlərə görə heç bir məsuliyyət daşımır. Vətəndaşlarımızdan sözügedən hallarla qarşılaşdıqda dərhal müvafiq hüquq-mühafizə orqanlarına müraciət etmələrini və həmin məlumatları [email protected] ünvanına göndərmələrini xahiş edirik.

Vətəndaşlardan fişinq məqsədi daşıyan bu cür çağırışlardan yayınmaq məqsədilə yalnız Fondun media resurslarında əks olunmuş rəsmi məlumatları izləməyi tövsiyə olunur”, - deyə açıqlamada qeyd olunub.

XƏBƏR LENTİ

DİGƏR XƏBƏRLƏR

Loading
Top