Kapitol binasının qarşısında üzərində tapança və gülləkeçirməz jilet olan şəxs saxlanılıb

DÜNYA 04.06.2022 704

ABŞ polisi cümə günü, iyunun 3-də Vaşinqtonda Kapitol binası yaxınlığında avtomobilini park edən şəxsi saxlayıb, onun üzərindən saxta şəxsiyyət vəsiqəsi, pnevmatik tapança, gülləkeçirməz jilet və döyüş sursatları aşkar edilib.

Bu barədə hüquq-mühafizə orqanının saytında məlumat verilir.

ABŞ hüquq-mühafizə orqanlarının məlumatına görə, yerli vaxtla səhər saat 5:00-da növbətçi polis əməkdaşı avtomobilini Kapitolinin yaxınlığında park edən miçiqanlı şəxsə yaxınlaşıb. Həmin şəxs özünü cinayət işi üzrə müstəntiq kimi təqdim edərək, polis əməkdaşlarına üzərində “İnterpol İdarəsi” yazılmış saxta vəsiqə göstərib və hüquq-mühafizə orqanlarının əməkdaşlarına onun avtomobilinə baxış keçirməyə icazə verib.

Həmin şəxsin üzərindən saxta şəxsiyyət vəsiqəsi, pnevmatik tapança, gülləkeçirməz jilet, iri tutumlu silahlar və digər döyüş sursatları aşkar edilib. Saxlanılan şəxsin Nyu-Yorkdan olan təqaüdçü polis Cerom Felipe olduğu ortaya çıxıb. Həmin şəxs qeyri-qanuni olaraq iri tutumlu silahlar və qeydiyyatdan keçməmiş sursat saxlamaqda şübhəli bilinir. Müstəntiqlər Felipenin avtomobilini niyə ABŞ Kapitolunun yaxınlığında saxladığını araşdırır.

Mənbə: Lenta.ru

XƏBƏR LENTİ

DİGƏR XƏBƏRLƏR

Loading
Top