Manşet
Ukrayna heç vaxt nüvə silahı istehsal etmək texnologiyasına malik olmayıb, baxmayaraq ki, bu sahədə tədqiqatlar aparılıb, bunu Kiyev və Xarkovda nüvə reaktorlarının olması sübut edir.
"Saat24.az" xəbər verir ki, bunu Ukraynanın keçmiş baş naziri Nikolay Azarov "Telegram" kanalında yazıb. Siyasətçi yazıda reaktorların işləmədiyini vurğulayıb.
"Ukraynada heç vaxt nüvə silahı istehsal etmək texnologiyası olmayıb. Nüvə sahəsində araşdırmalara gəlincə, bu, aparılıb. Ukraynanın birbaşa Kiyevdə eksperimental reaktoru var, Xarkovda isə daha bir eksperimental nüvə reaktoru var", - o, bildirib.
Azarovun sözlərinə görə, Xarkov reaktoru atəş nəticəsində zədələnib və hazırda işləmir, Kiyev reaktoru da işləmir.
Bununla bağlı Ukraynanın keçmiş baş naziri vurğulayıb ki, Kiyevin nüvə bombası hazırlaması ilə bağlı bütün söhbətlər boşdur.
