Himayədar ailə olmaq üçün Azərbaycanın rayonlarından da müraciət edənlər var.
"Saat24.az" xəbər verir ki, bunu Sosial Xidmətlər Agentliyinin Valideyn himayəsindən məhrum olmuş uşaqlarla iş departamentinin müdiri Cavid Şahmalıyev jurnalistlərə açıqlamasında deyib.
O qeyd edib ki, hazırda 10 uşaq himayədar ailələrdədir:
"Biz hər gün uşaqlarla bağlı məlumat alırıq, onların durumunu öyrənirik.
Hazırda sosial qayğı müəssisələrində valideyn himayəsindən məhrum olmuş 1400-ə yaxın uşaq var. Biz onların ailə qayğısı ilə əhatə olunmasını vacib hesab edirik".
