Mərkəzi Aran Regional təhsil idarəsinin müdiri Beynəlxalq Qadınlar Günü münasibətilə bir qrup müəllimlə görüşüb -Foto ​

CƏMİYYƏT 07.03.2024 2212

Saat24.Az xəbər verir ki,Martın 7-də Mərkəzi Aran Regional Təhsil İdarəsinin müdiri Elçin Kərimov 8 Mart - Beynəlxalq Qadınlar Günü münasibətilə təhsil müəssisələrinin bir qrup pedaqoji heyəti ilə görüş keçirib.

Görüşdə İdarə müdiri 8 Mart – Beynəlxalq Qadınlar Günü münasibətilə pedaqoji-müəllim heyətini təbrik edib, onlara fəaliyyətlərində uğurlar arzulayıb.

Həyatını xalqın işıqlı gələcəyinə həsr edərək yüksək fədakarlıq nümayiş etdirən dəyərli peşə sahiblərinin müqəddəs bir dəyər olduğunu bildirən Elçin Kərimov təhsil müəssisələrində bilik və bacarıqlı, eyni zamanda vətənpərvər ruhda kadrların yetişdirilməsində pedaqoji heyətin mühüm pay sahibi olduğunu qeyd edib.

Görüşdən məmnun olduqlarını bildirən təhsil işçiləri onlara göstərilən diqqətə və yaradılan şəraitə görə təşəkkürlərini bildiriblər.

Sonda gənc nəslin təlim-tərbiyəsi sahəsində yüksək nailiyyətlərinə görə və 8 Mart – Beynəlxalq Qadınlar Günü münasibətilə bir qrup pedaqoji heyət Fəxri Fərman ilə təltif edilib.

 

XƏBƏR LENTİ
20.04.2024 2026

DİGƏR XƏBƏRLƏR

Loading
Top