Bakı Ağır Cinayətlər Məhkəməsində hakim Mahmud Ağalarovun sədrliyi ilə Cinayət Məcəlləsinin 179.3.2-ci və 213-cü maddəsi ilə həbsdə olan vəkil Sümbülə Əliyevanın məhkəmə prosesi keçirilib.
"Saat24.az"ın məlumatına görə, prosesdə Sümbülə Əliyeva müqavilə əsasında olan vəkili Sevil Səlimova xanım etibarnaməni hakimə təqdim edib. Hakim Mahmud Ağalarov dövlət hesabına olan vəkil Əbil Həsənovun isə qanunvericiliklə Sümbülə Əliyevanın vəkili kimi qalmağına yol verilmədiyini bildirib. Ancaq Sümbülə Əliyeva Əbil Həsənov ilə növbəti prosesdə müqavilə bağlayacağını məhkəmənin nəzərinə çatdırıb. Sevil Əliyeva sənədlərlə tanış olmaq üçün məhkəmədən vaxt istəyib.
Sümbülə Əliyeva onun hər dəfə gətirilib havasız zirzəmidə saxlanılmasına etiraz edib. Hakim isə Sümbülə xanıma bunun səbəbini onu gətirən konvoy taborunun əməkdaşlarından soruşmağı məsləhət bilib.
Məhkəmə prosesi may ayının 13-nə kimi təxirə salınıb.
