Sadə xəbər
Ukraynada fransız muzdluları yoxdur.
"Saat24az" xəbər verir ki, bu barədə Fransa Xarici İşlər Nazirliyi məlumat yayıb.
“Fransanın bəzi insanlardan fərqli olaraq nə Ukraynada, nə də başqa yerdə muzdlu əsgərləri yoxdur”, - məlumatda deyilir.
Bildirilir ki, fransızların Ukrayna ordusunun sıralarında olması ilə bağlı bəyanatlar “daha bir yöndəmsiz rus manipulyasiyasıdır”.
Qeyd edək ki, ötən gün Fransanın Rusiyadakı səfiri Pyer Levi Rusiya Silahlı Qüvvələrinin Xarkovda əcnəbi döyüşçülər üçün müvəqqəti yerləşdirilmə məntəqəsinin, o cümlədən fransızların da olduğu yerin dağıdılması ilə əlaqədar Rusiya Xarici İşlər Nazirliyinə çağırılmışdı.
