Azərbaycanın “Avroviziya 2022” beynəlxalq mahnı müsabiqəsindəki təmsilçisi Nadir Rüstəmli “Instagram” səhifəsində yarışmanın yarımfinal və final mərhələsində lentə alınan videonu təqdim edib.
Burada tamaşaçıların İTV kanalında izlədiyi canlı yayıma düşməyən kadrlar yer alıb.
Müğənni videoya şərhində “Heç vaxt unuda bilməyəcəyim anlar üçün təşəkkür edirəm” yazıb və dəstək olan pərəstişkarlarına təşəkkür edib.
Xatırladaq ki, N.Rüstəmli Turində keçirilən müsabiqədə 16-cı yeri tutub. Münsiflər heyətinin və tamaşaçıların səsverməsinin nəticələrinə görə, o, 106 bal toplayıb.
