Kim Çen In təqaüdə çıxan şimali koreyalı teleaparıcı Ri Çunq-Hiyə dəbdəbəli dupleks mənzil hədiyyə edib.
Bununla bağlı dövlət televiziyasının yaydığı videoda ölkə liderinin diktorun yeni evinə şəxsən baş çəkdiyi əks olunub. Mənzilə baxış keçirərkən Ri Çunq-Hinin Kim Çen Inın əlindən tutduğu, Şimali Koreya liderinin isə güldüyü görünür.
Ri Çunq-Hi 50 ildən artıq Şimali Koreya televiziyasında çalışıb və Qərbdə “Şimali Koreyanın səsi” kimi tanınır. Nüvə silahlarının sınaqları da daxil olmaqla, ölkənin bütün mühüm hadisələrini o elan edib.
