Sadə xəbər
İran nüvə proqramı üzrə danışıqlar prosesini bərpa etmək barədə Fransa, Almaniya və Böyük Britaniya ilə razılığa gəlib.
Saat24.Az xəbər verir ki, bu barədə "Tasnim" agentliyi mənbələrə istinadla xəbər verir.
Bildirilir ki, danışıqların prinsipi razılaşdırılıb. Bununla belə, agentlik danışıqların vaxtı və yerinə dair məsləhətləşmələrin davam etdiyini vurğulayıb.
"Tasnim"in mənbəsi qeyd edib ki, danışıqların aparılacağı ölkə də müəyyənləşməyib.
Daha əvvəl "Axios" portalı mənbələrə istinadən xəbər vermişdi ki, ABŞ, Böyük Britaniya, Almaniya və Fransa İranla nüvə sazişinin bağlanması üçün son tarix kimi 2025-ci ilin avqust ayının sonunu təyin etmək barədə razılığa gəliblər.
