Sadə xəbər
Elm və Təhsil Nazirliyinin təşkilatçılığı ilə keçirilən "Sabahın alimləri" Xlll Respublika Müsabiqəsi çərçivəsində sərgidə iştirak edəcək şagirdlər müəyyənləşdirilib.
Saat24.Az-ın məlumatına görə müsabiqənin nəticələrinə əsasən Zərdab şəhəri 1 nömrəli məktəb-liseyin X sinif şagirdi Ağayev Cavid Şahin oğlunun riyaziyyat fənni üzrə təqdim etdiyi mövzu yüksək qiymətləndirib və 10-13 fevral tarixlərində Bakı şəhərində keçiriləcək yekun turunda təqdimatı həyata keçiriləcək.
Bu münasibətlə Cavidi, onun valideynlərini və müəllimlərini Zərdab rayon təhsil sektorunun rəhbərliyi təbrik edir, yeni-yeni nailiyyətlər arzulayır.
Qeyd edək ki, Cavidin uğurlarının əldə olunmasında onun riyaziyyat müəllimi, təhsilin inkişafındakı xidmətlərinə görə Tərəqqi medalı ilə təltif edilmiş Rauf Rəhimovun xüsusi rolu olmuşdur.