Bakıda çoxmərtəbəli yaşayış binasındakı yanğından yataq xəstəsi xilas edildi - YENİLƏNİB + FOTO/VİDEO

HADİSƏ 20.07.2022 1275

Yasamaldakı yanğın zamanı FHN əməkdaşları yataq xəstəsini yanan binadan xilas ediblər.

Oxu.Az FHN-ə istinadən xəbər verir ki, hərəkətsiz olan xəstə heç bir xəsarət almadan xilas edilib.

21:25

Bakı şəhəri, Yasamal rayonu, Ş.Mehdiyev küçəsində yerləşən hündürmərtəbəli yaşayış binasında baş vermiş yanğın Fövqəladə Hallar Nazirliyinin qüvvələrinin operativ müdaxiləsi sayəsində genişlənməsinə imkan verilmədən qısa müddətdə söndürülüb.

Bu barədə Oxu.Az-a FHN-in mətbuat xidmətindən bildirilib.

Yanğın nəticəsində, ilkin məlumata əsasən, binanın 5-ci mərtəbəsindən 17-ci mərtəbəsinədək şaxtadan keçən kabellər yanıb.

Yanğın zamanı 30 nəfərə yaxın bina sakini təxliyə olunub.


 











20:32

Fövqəladə Hallar Nazirliyinin (FHN) “112” qaynar telefon xəttinə Bakı şəhəri, Yasamal rayonu, Ş.Mehdiyev küçəsində yerləşən çoxmərtəbəli yaşayış binasında yanğın olması barədə məlumat daxil olub.

Bu barədə Fövqəladə Hallar Nazirliyi məlumat yayıb.

Məlumatla əlaqədar FHN-nin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub.

Hazırda yanğınsöndürmə işləri davam etdirilir.

Əlavə məlumat veriləcək.

XƏBƏR LENTİ

DİGƏR XƏBƏRLƏR

Loading
Top